Var næstum...

...búin að telja sjálfri mér trú um það í morgun að ég væri veik. Ég fann fyrir verkjum í öllum mínum beinum og vorkenndi mér gríðarlega. Stubbalingur þvertók hinsvegar fyrir alla meðvirkni og vildi fá sinn morgunspássitúr, hvað sem tautaði og raulaði. Komst svo að því þegar ég skrölti á eftir honum niður með á, í syndaflóðinu, sem enn og aftur dundi yfir, að ég væri með harðsperrur. Allavega er ég nokkuð viss um að það eru engin bein í maganum á mér. Hinsvegar hef ég bein í nefinu og þið skuluð sko ekki reyna að taka það úr mér....

Lofaði sjálfri mér því að skríða rakleiðis upp í rúm þegar, og ef, ég kæmist heim aftur! Þegar svo kom að þeim tímapunkti var ég svo vel vöknuð og hress að ég skellti mér í sturtu og fór að vinna.

Núna eru harðsperrurnar heldur að ágerast, ég gleymdi að kaupa banana og er búin að strengja þess heit að verzla ekkert á morgun! Ojæja ég hlýt að lifa þetta af. Annars fer ég bara til Halldórs og borða bananana hans

Vona að helgin verði ykkur ljúf

Athugasemdir

[Jenný Anna Baldursdóttir, 23.11.2007 kl. 20:27]

Vá hvað þú ert mikil hetja, að ætla ekki að versla á morgun.  Ég ætla eimitt að versla eins og m-f í tilefni dagsins. Ænó er alltaf á móti straumi.

Love u

[Hrönn Sigurðardóttir, 23.11.2007 kl. 20:38]

Þrjózkugenið kom upp í mér Jenný og varð allsráðandi. Ég ákvað að gefa eftir, því sá vægir sem vitið hefur meira..........  Lovjútú

[Ásdís Sigurðardóttir, 23.11.2007 kl. 22:10]

Ég ætla ekkert að versla heldur, vildi að annar hvor dagur fram að jólum yrði svona, ekki versla dagur.    

[Hrönn Sigurðardóttir, 23.11.2007 kl. 22:57]

Gott hjá þér Ásdís

[SigrúnSveitó, 23.11.2007 kl. 23:23]

þú ert fyndin!!

Eigðu góða helgi líka.  Knúzzzzzzzzzz.......... 

[Huld S. Ringsted, 24.11.2007 kl. 10:08]

Ég var búin að plana að byrja jólainnkaup í dag og þar sem ég er þrjóskari en and....... þá held ég þeim plönum áfram

Góða helgi

[Rebbý, 24.11.2007 kl. 10:26]

Flott hjá Stubbaling að tæla þig út í ferska loftið sem síðar kom þér til vinnu - veitti ekki af að eiga einn svona um helgar sem kemur deginum af stað

[Kristín Katla Árnadóttir, 24.11.2007 kl. 13:35]

Þú ert hetja Hrönn mín alltaf svo dugleg. Góða helgi

[Ásthildur Cesil Þórðardóttir, 24.11.2007 kl. 16:33]

Stubbalingurinn gefur ekkert eftir sé ég.  Hann á góða húsmóður.

[Unnur R. H., 24.11.2007 kl. 17:29]

Þú ert bara góð Var að þjást í morgun út af dugnaði í gær

[Steinunn Helga Sigurðardóttir, 24.11.2007 kl. 17:36]

þekki þetta vel.

takk fyrir falleg orð á blogginu mínu.

AlheimsLjós til þín

steina

[Marta B Helgadóttir, 25.11.2007 kl. 00:27]

Fyndin ertu

[Marta B Helgadóttir, 25.11.2007 kl. 11:40]

Bókaspjallið er komið í gang núna.

[Guðný Anna Arnþórsdóttir, 25.11.2007 kl. 13:43]

Skjálfið þér enn, eður hvat?

Svona tilfinningu eins og þú lýsir, með að telja þér næstum trú um að þú sért orðin veik, svoleiðis kannst ég við á mánudagsmorgnum. Þá fer ég systematískt yfir öll líkamskerfi í þeirri veiku von að eitthvað sé einhvers staðar að, svo ég geti verið aðeins lengur heima. Heheh. Ekki segja þetta nokkrum lifandi manni.

[Marta B Helgadóttir, 26.11.2007 kl. 19:58]

Ertu orðin lasin snúllan?

[Gunnar Páll Gunnarsson, 26.11.2007 kl. 21:58]

Úff! ég gat alls ekki látið vera að ekki kaupa neitt þann daginn. Ég er með 200 manns á hverjum degi í matinn og ég er ekki viss um að sjéffarnir hjá NOVO NORDISK myndu gúddera útskýringuna ef ég myndi ekki kaupa neitt og ekkert væri í matinn. EEEn við vorum með gesti og matarboð um kvöldið og tíndi ég hitt og þetta úr frystinum og hillum og kórónaði svo verkið með að koma með "svolítið" úr vinnunni Svo að þannig prívat keypti ég ekki neitt. HA!

Pssst! Ég er byrjaður á blogginu aftur.