Hamfarir og hafmeyjur!

Hér hefur jörð skolfið í allan dag. Mismikið þó og mest nú undir kvöld! Við lúskrumst hér um, ég og Ljónshjartað, og má ekki á milli sjá hvort okkar er hugumstærra. Mér sýnist það dagljóst að við sofum BÆÐI undir rúmi í nótt!!  Nema einhver sjái aumur á okkur og bjóði okkur í sína sæng!!

Fyrsta boðorðið í bókinni: Hvernig veiða skal mann! sem kemur út fyrir jólin og mun veita Þorgrími og Bubba mikla keppni, hljóðar svo: Nota skal hvert tækifæri sem gefst, jafnvel þótt hörmungar og hamfarir, ss jarðskjálftar, dynji yfir. Höfundurinn - moi - verður í Kastljósinu á Þorláksmessu, í Silfrinu á Jóladag og Kiljunni á Gamlársdag!!

Sá í einhverju blaði auglýsingu um nýju bókina hans Jóns Kalmans sem, bæ þe vei, ég hlakka mikið til að lesa. Þar segir einhver spekingur: "......Það eru kaflar í þessari bók sem eru með magnaðri prósa sem skrifaður hefur verið á íslensku" Vott þe fokk?! segi ég nú bara. Ég skil ekki þessa setningu!! Þarf kona að hafa lokaáfanga í bókmenntum ásamt því að hafa setið einn vetur í erlendum listaháskóla til að skilja gagnrýnendur? Telst það kostur að vera með magnaðan prósa? Því ef svo er þá verða sko ábyggilega kaflar í minni bók með mögnuðustu prósum sem sést hafa -Globalt! Annars ekki............

Ég var í sundleikfimi í morgun. Þar var hamagangurinn svo gríðarlegur að laugin hitnaði um fimm gráður, segi og skrifa 5° Einhverjar hafmeyjur höfðu á orði að þær yrðu orðnar háar og grannar um hádegi með áframhaldandi brennslu.

Að því sögðu, er ég farin að borða. Þið byrjið að leita að mér austan megin......

lov

Athugasemdir

[Ólafur fannberg, 20.11.2007 kl. 20:06]

er einhver skjálftafiðringur rikjandi á þínum slóðum  hehe?

[Hrönn Sigurðardóttir, 20.11.2007 kl. 20:13]

Heldur betur.............

[Fanney Björg Karlsdóttir, 20.11.2007 kl. 20:14]

hér skalf ég rétt fyrir sjö í kvöld..... bóndinn hringdi rétt áðan og konstaterade að þar sem ég væri hætt að skjálfa þá væri ég ekkert svooo feit..... finnst þér þetta forsvaranlegt

[Hrönn Sigurðardóttir, 20.11.2007 kl. 20:15]

hahahahaha Nei það finnst mér ekki!! og sárskammast mín fyrir að flissa.....

[Rebbý, 20.11.2007 kl. 21:40]

hlakka til að lesa bókina - ekki veitir af ráðunum
vona annars bara að þið þarna fyrir austan getið sofið í nótt.

[Jenný Anna Baldursdóttir, 20.11.2007 kl. 22:50]

Hahaha, þú ert frábær.  Villtu ekki sofa í rúminu til tilbreytingar, fyrst hættuástand ríkir og til að bregða út af vananum?

Prósi er í raun allt ritað form nema ljóðlist. Og reyndar talað líka.  Hm.. einhverju nær?

Bíð spennt eftir bók.

Er að skrifa eina, hvernig konu helst á manni, en þetta skrifa ég þrátt fyrir mín þrjú hjónabönd ásamt óteljandi sambúðum

[Marta B Helgadóttir, 21.11.2007 kl. 09:14]

Góðan daginn hér 

Hrönn, hún er virkilega góð sagan þín Móðir. Hlakka til að sjá meira frá þér, þú ert góður penni.  

[Hrönn Sigurðardóttir, 21.11.2007 kl. 10:30]

Takk Jenný! Jú jú er aðeins nær ;) Mér finnst samt að gagnrýnendur eigi að nota orð sem skiljast!!

Takk Marta! Það kostar smá átök að þora.....

[Ásthildur Cesil Þórðardóttir, 21.11.2007 kl. 11:00]

Ætla að vera ein af þeim fyrstu sem kaupir bókina þína, ég ætla að nota hana til að gefa öðrum góð ráð hehehehe...

En það er rosalegt þetta skjálferí hjá ykkur.  Ég hef hugsað mikið til ykkar vina minna þarna suðurfrá.  Vonandi er þetta ekki fyrirboð um stjóra skjálfta.  Áttu ekki sterkbyggt rúm  ?  Knús á þig Hrönn mín.  

[Heiða Þórðar, 21.11.2007 kl. 11:43]

Mér hefur verið tíð-hugsað til þín. Meira nú en endranær...vegna aðstæðna. Vona að þú hafir það gott og allt sé að falla í ljúfa löð.

[SigrúnSveitó, 21.11.2007 kl. 12:36]

Segi eins og ég hef örugglega...vonandi...sagt áður; Þú ert SNILLINGUR, segi það OG skrifa það!!!

Ást... 

[Hrönn Sigurðardóttir, 21.11.2007 kl. 14:39]

Takk dúllurnar mínar  Manni vöknar nú bara um hjartarætur....

[Ingibjörg Gunnarsdóttir, 21.11.2007 kl. 16:27]

Ertu sem sagt á "skjálftavaktinni"?  Bæði varðandi jarðhræringar og mannaferðir... Svona á þetta að vera - líf og fjör í sveitinni.  Er varaliturinn uppseldur?  Hvenær verður farið í varalitaferð (ath. ekki haustlitaferð) austur fyrir fjall?

[Huld S. Ringsted, 21.11.2007 kl. 18:39]

 Mér varð hugsað til þín þegar ég heyrði fréttirnar af skjálftunum!

[Halldór Egill Guðnason, 21.11.2007 kl. 20:17]

Nú skil ég þetta "undir rúmi" dæmi. Skelfur vonandi minna núna. Já það getur verið kostulegur fjandi að lesa alls kyns gagnrýni á list og bókmenntum. Megnið af þeirri gagnrýni er ekki ætlað almenningi, svo mikið er víst. Þvílíkt orðagjálfur og.......segjum þetta nóg tuð í bili.

[Guðný Anna Arnþórsdóttir, 21.11.2007 kl. 21:26]

Sé að þú ert búin að fá útskýringar, hef engu þar við að bæta!  Þið Ljónshjarta standið ykkur vafalaust afskaplega vel. Undir rúmi, í rúmi, yfir rúmi, hvað er ein nótt milli vina á skjálftavakt ?