Kann einhver....

....að setja inn tengla á uppskriftir? Eldaði gúllassúpu í dag, er að bögglast við að koma uppskriftinni inn á síðuna en einhverra hluta vegna gengur það ekki upp!! Skil ekki af hverju eins og ég er nú mikill tölvunörd! Ef einhver getur leiðbeint mér þá væri það vel þegið. Bakaði líka brauð með súpunni. Hver veit nema ég hendi uppskriftinni af því líka inn ef ég læri þetta einhverntíma

Er búin að vera frekar niðurdregin. Fékk fréttir sem ég hefði fyrir circa mánuði hlakkað yfir, í dag gerðu þær mig bara sorgmædda.......

.....en þá, eins og svo oft áður, hringdi Magga. Spurði hvort við ættum ekki að fara á kaffihús! Ég held svei mér þá að hún finni á sér ef ég er eitthvað mædd!!! Það var eins og við manninn mælt um leið og ég var búin að mása og blása öllu frá mér leið tók ég gleði mína á ný. Segi það enn og aftur, góðar systur eru aldrei nógsamlega dásamaðar  Þær eru á við góðan sálfræðing!

Það léttist líka brúnin á einkasyninum þegar hann kom heim og sá hvað ég var að elda. Hann trúði mér fyrir því að uppi á 21. hæð hefði verið fremur hvasst og kalt í dag. Enda fór honum ekki að hlýna fyrr en hann var búinn að borða einn disk af súpunni.

 

 

 

 

Athugasemdir

[Jenný Anna Baldursdóttir, 17.11.2007 kl. 23:14]

Er það ekki bara að kopí/peista linkinn eins og þegar maður linkar venjulega?  Ég ein spurning.  Ég vona að þetta hafi ekki verið mjög slæmar fréttir.

[Jenný Anna Baldursdóttir, 17.11.2007 kl. 23:15]

Á sex systur hvor annarri yndislegri, elska þær í knús og kremjog veit að ég er heppin kona.

[Hrönn Sigurðardóttir, 17.11.2007 kl. 23:23]

Nei, nei ekkert slæmar fréttir, alls ekki.............

[Fanney Björg Karlsdóttir, 17.11.2007 kl. 23:51]

góð systir er gulli betri...... get ég ímyndað mér...... hef alltaf óskað þess að eiga eitt stk soleis.... en en.... á tvo bræður í staðinn......... kanski þeir komi í staðinn fyrir eina góða systir .....

knús til þín......... þykir vænt um þig...

[Hrönn Sigurðardóttir, 17.11.2007 kl. 23:59]

heheheh gæti hugsanlega sloppið til ef þeir væru þrír Fanney mín. Ég get hins vegar verið systir þín - ef þú vilt.

Knús til baka á þig

[Fanney Björg Karlsdóttir, 18.11.2007 kl. 00:20]

Takk takk kæra systir........

[Hrönn Sigurðardóttir, 18.11.2007 kl. 00:34]

....maður getur alltaf á sig blómum bætt.....

[Jóna Á. Gísladóttir, 18.11.2007 kl. 01:03]

21. hæð? Úhúhú ekki hefði ég viljað vera uppi á 21. hæð í dag.. úti...

smiður? verkfræðingur? múrari? what?

gott að fréttirnar voru ekki megaslæmar dúllan mín.

[Hrönn Sigurðardóttir, 18.11.2007 kl. 01:08]

Vélsmiðjungur............

[Jenný Anna Baldursdóttir, 18.11.2007 kl. 09:30]

Eru vélsmíðungar að þvælast uppi á þaki?

[Guðný Anna Arnþórsdóttir, 18.11.2007 kl. 22:07]

Hrönn, ég nota alltaf copy og paste við allt sem ég tek mér fyrir hendur í tölvudúllerísmálum. Ef það gengur ekki, þá bara gengur það ekki. Annað kann ég trauðla. Gefðu endilega uppskriftina! - Ég sé að þú hefur fullt af góðu fólki að lyfta þér upp, jafnvel þó það lyfti þér kannski ekki alveg á 21.hæð!

[Hrönn Sigurðardóttir, 18.11.2007 kl. 23:01]

Uppskriftin komin inn. Endilega nota hana og þær (báðar)