Fjármálastjóri og Finnur Ingólfs.......

Vaknaði rúmlega fjögur í nótt við að Labbakútur gjammaði eins og galinn væri út í stofuglugga. Reyndi fyrst að lokka hann í rúmið til mín með því að hóa blíðlega - eða eins blíðlega og mér er unnt á þessum tíma sólahringsins. Mundi svo skyndilega eftir öllum innbrotunum í nærliggjandi hús og þrammaði fram, horfði grimmdarlega út um alla glugga með símanúmer hjá þvagleggnum skrifað á ennið, en sá ekkert markvert. Snautaði aftur í rúmið aftur og svaf í klukkutíma í viðbót áður en dagurinn byrjaði hjá mér.

Skaust í bæinn eftir leikfimi, þar sem bæ þe vei, við spiluðum blak. Ég verð alltaf jafnánægð með hvað ég er snemma valin í lið, þrátt fyrir grimmdarfrenjugang og yfirgengilegt keppnisskap, líklega eru þær bara svona snöggar að þerra tárin og gleyma, enda allar orðnar frekar gleymnar, kellingarnar sem ég spila með blak, nema þær séu ekki svo miklar kjéddlingar  

Enívei, ég skaust í bæinn í dag, formleg yfirtaka átti sér stað, ekki samt neitt hostile  Nú er ég formlega tekin við bókhaldinu í mínu nýja djobbi. Enda fyrsti dagur nóvembermánaðar og tími til kominn að fara að gera eitthvað gagn!

Ég náttúrulega forgangsraðaði og fór og keypti mér síma og reiknivél. Þegar kona er orðinn fjármálastjóri  verður hún að standa undir nafni!

Yfir í allt annað, ég hitti Finn Ingólfs í bakaríinu um helgina. Ég þekki Finn frá fornu fari úr gömlu vinnunni, Finnur er sjarmatröll og náði algjörlega að snúa mér, ég hafði ekki mikið álit á honum - svo birtist hann einn daginn við skrifborðið mitt og síðan er ég forfallin aðdáandi. Hann er fyndinn, sætur, með krullur, gefur aðlaðandi gullhamra og er hinn bezti maður. Ég vil ekki heyra eitt hnjóðsyrði um Finn. Svo stoppaði ég á rauðu ljósi í dag, leit til hliðar - alltaf að gá að sætum strákum, sjáðu til, og þar var Finnur í næsta bíl við hliðina á mér. Þarf að senda honum meil, fattaði ekki að fá hjá honum meilinn úti í bakaríi um daginn. Einhver sem veit mailinn hjá honum?

Úhú.... svo er dr. House á leiðinni til mín. Ég er búin að blása hárið, varalita mig og er komin í stutta pilsið og nýju stígvélin.

Frábær dagur

Athugasemdir

[Jenný Anna Baldursdóttir, 1.11.2007 kl. 20:42]

Til hamingju með vinnuna.  Verðurðu í fullu starfi?   Takk fyrir bráðskemmtilega færslu.

[Hrönn Sigurðardóttir, 1.11.2007 kl. 20:51]

Jenny Anna!! Ég var "þis klós" að hringja í þig í dag og bjóða þér að drekka með mér kaffi einhversstaðar í höfuðstaðnum. Vantaði "bara" símanúmerið þitt!!

Alltaf flækjast þessi smáatriði fyrir mér.....

[Hrönn Sigurðardóttir, 1.11.2007 kl. 20:52]

Svandís! Égáann!!!

[Kristín Katla Árnadóttir, 1.11.2007 kl. 21:28]

Til hamingju með nýu vinnuna þú er alveg frábær elskan mín og skemmtileg færsla hjá þér eins og alltaf mér finnst þú svo orðheppin knús.

[Fanney Björg Karlsdóttir, 2.11.2007 kl. 00:25]

Til hamingju með nýja djobbið Hrönnslan mín.......

 

[Róbert Tómasson, 2.11.2007 kl. 00:56]

Hæ Hrönn gaman að lesa færsluna þína eins og alltaf er loksins farinn að pára eitthvað aftur eftir langvarandi ritþurð.  Til hamingju með nýtt starf, símann og reiknivélina.

[Huld S. Ringsted, 2.11.2007 kl. 08:31]

Til hamingju með nýja djobbið!!! Finnur Ingólfs......................nei ég ætla ekki að segja neitt

[Dísa Dóra, 2.11.2007 kl. 09:13]

Til hamingju með nýju vinnuna

[Ásthildur Cesil Þórðardóttir, 2.11.2007 kl. 10:12]

Til hamingju með nýja djobbið Hrönn mín.  Og lífið.  Gott að vera valinn snemma í lið.  Það segir langa góða sögu, eða gerði þegar maður var lítill allavega, núna er ég hætt í svoleiðis business.  Þetta með Finn Ingólfs   Það hlaut að vera að þú hefðir einhvern galla  Smjúts á þig þú blómstrar greinilega þessa dagana.

[Hrönn Sigurðardóttir, 2.11.2007 kl. 10:15]

Finnur er krútt með krullur!! Fer ekki ofan af því

[Hugarfluga, 2.11.2007 kl. 21:37]

Er Finnur með krullur? En annars .. til hamingju með nýju stöðuna!! Átt allt gott skilið, darling.

[Marta B Helgadóttir, 3.11.2007 kl. 20:43]

Til hamingju með nýja starfið

[Guðný Anna Arnþórsdóttir, 3.11.2007 kl. 23:52]

Til lukku með nýja djobbið. Hvað er það, by the way?