Rabbarbarapæ indíánahöfðingjans!

Ætla að vera heima í dag. Borða rabbarbarapæ með rjóma eða ís í morgunmat og drekka indíánate með hunangi, nú skal barist við sýklana til síðasta manns. Einn fyrir alla og allir fyrir einn!!

Úti er kalt og hráslagalegt, það fann ég þegar við litli kútur gengum upp með á í morgungöngunni okkar. Var samt klædd í næstum öll mín útiföt. Fanney keyrði hjá á leið sinni í vinnu og flautaði léttlyndislega, þegar við vorum næstum komin heim aftur.

Bezt ég opinberi það bara strax Fanney! Ég var ekki drukkin!! Get bara ekki staðið á einum fæti og nuddað stírurnar úr augunum í leiðinni........

Kann ekki heldur skil á hægri og vinstri. Mikið létti mér þegar ég uppgötvaði að Magga systir veit það ekki heldur. Ég hef alltaf reynt að dylja þetta svolítið, tekið bara sjensinn þegar einhver segir: "....til hægri hér......" eða: ".....svo beygirðu næst til vinstri....." Ég meina það eru 50% líkur á að ramba á rétt! Svo kemur bara í ljós að þetta er fjölskyldusjúkdómur

Eigiði góðan dag yndin mín

 

Athugasemdir

[Kristín Katla Árnadóttir, 30.8.2007 kl. 08:22]

Já það er gott hjá þér að vera heima og losa þig við pestina. það er ekkert slor sem þú færð þér í morgunmat ég segi bara namm.

[Jenný Anna Baldursdóttir, 30.8.2007 kl. 09:51]

Er þessi uppskrift af pæinu í gr.?  Langar í uppskrift en á ekki vikt.  Vantar hana í ml. eða dl.  Komasho.  Góðan bata.

[Hrönn Sigurðardóttir, 30.8.2007 kl. 10:29]

Katla - stundum þarf maður að vera höfðingi

Jóna Ingibjörg - kannski getum við stofnað samtök? Já ég held þetta sé ekki ótrúleg skýring, hef allavega ekkert komist út að hlaupa síðan - Takk

Jenný - Já hún er í gr. Þú getur farið inn á gestgjafinn.is og umreiknað. Takk ljósið mitt

[Ásthildur Cesil Þórðardóttir, 30.8.2007 kl. 11:20]

Njóttu rabbabarabæisins, eða hvernig sem maður nú annar beygir þetta ágæta nafn hehehe.... Þú hefur auðvitað gengið í flokkin með ágætum manni sem stofnaði Vinstri hægri snú..... flokkinn getur ekki klikkað.

[Hugarfluga, 30.8.2007 kl. 11:51]

GAWD, nú hló ég!! Munurinn á hægri og vinstri getur skipt sköpum ef karlaklefinn er til hægri og kvennaklefinn til vinstri og það eru engar myndir á hurðunum. En asskoti gott samt að hafa þessa ættlægu afsökun!!

[Hrönn Sigurðardóttir, 30.8.2007 kl. 12:05]

Trúðu mér Fluga!!!! Ég hef lent í því

Það er eini kosturinn sem fylgir þessu.....

[Fanney Björg Karlsdóttir, 30.8.2007 kl. 13:51]

ahahah... já Hrönn mín þú varst nú heldur kuldaleg þarna í morgun og svei mér ef það hvarlaði ekki að mér þarna í morgunsárið að þú hefðir farið að ráðum bloggvinkonu þinnar síðan um daginn og fengið þér eitthvað sull með hunangi og vodka....hmmm

[Hrönn Sigurðardóttir, 30.8.2007 kl. 14:00]

hah!! Ég vissi það!  Enda var ég hálfrallleg.....

Í fyrramálið stefni ég að því að dansa. Jafnvel þótt enginn vilji dansa með mér - eða kannski þrátt fyrir það?

hahahahahahahaha

[Guðný Anna Arnþórsdóttir, 1.9.2007 kl. 01:44]

Út með sýkla, inn með gingseng, engifer og hunang. Skítt með vinstri og hægri....