Sunnudagur til sælu

 Fékk alveg dúndurgóða hugmynd í dag - og hrinti henni, að sjálfsögðu, þegar í stað í framkvæmd.

Mig er búið að langa lengi í Hawairós - eða svotil alveg síðan mín dó drottni sínum södd lífdaga hér um árið. Hefur líklega ekki þolað flutninginn. Í dag datt mér svo allt í einu í hug, í miðri tiltekt - hugsið ykkur......., að bruna út í Hveragerði og athuga hvort Garðyrkjustöð Ingibjargar ætti ekki handa mér rós. Auðvitað missti ég mig aðeins, eins og alltaf þegar ég fer þangað, en það er bara allt í lagi. Nú á ég bleika Hawairós, húsfrið, einir, kaktus og tómata

 Fór út í skóg í dag. Gekk í blíðunni upp að helli, settist þar á þúfu og naut veðurblíðunnar. Gekk svo til baka og laumaðist til að taka mynd af veiðiþjófinum... Reiknaði með því að ég væri fljótari að hlaupa en hann, búin að vera að æfa og allt..............

Tók líka mynd af skýjunum

 

Vona að allir hafi átt góða helgi

Athugasemdir

[Kristín Katla Árnadóttir, 12.8.2007 kl. 20:52]

Mér hefur alltaf langað í  Hawairós þær er svo fallegar kannski að maður fá sér eina. Herma eftir þér það hefur verið góður dagur hjá þér og góðar myndir. Eigðu gott kvöld dúllan mín.  

[Hrönn Sigurðardóttir, 12.8.2007 kl. 20:54]

Mæli með því Katla mín. Þær eru nefnilega verulega fallegar.

[Jenný Anna Baldursdóttir, 12.8.2007 kl. 20:55]

Mín lætur ekki deigan síga.  Get ég fengið afleggjara?  Af veiðiþjófnum? MUhahahahaha

[Hrönn Sigurðardóttir, 12.8.2007 kl. 20:59]

Þú mátt bara hirða hann allann Jenný! Hann leit illyrmislega á mig um leið og ég smellti af, þannig að ég tók til fótanna......

[Fanney Björg Karlsdóttir, 12.8.2007 kl. 22:09]

þú smart.... ég aftur á móti fór í Eden í dag.....og hann má sko muna sinn fífil fegri..... búðin var full af hálfdauðum,´skráfaþurrum blómum... er verið að spara vatnið í Hveragerði eða hvað.... er vökvunarbann í Eden... ég hefði betur kíkt til Ingibjargar.......

knús til þín...

[Hrönn Sigurðardóttir, 12.8.2007 kl. 22:34]

Já Fanney! Eden er ekki svipur hjá sjón. Ingibjörg er hins vegar þannig að ég fell í stafi. Langar í allt sem hún á...... og rósirnar hennar...... Maður lifandi!!!!!

[Guðný Anna Arnþórsdóttir, 12.8.2007 kl. 22:36]

Frábærar myndir Hrönn; þú ert svo gjörn á það að eiga góða daga. Ég held að þú kunnir allra kvenna best að njóta lífsins. Am I right?

[Ásthildur Cesil Þórðardóttir, 12.8.2007 kl. 23:13]

Enda er hún Ingibjörg ættuð héðan frá Ísafirði.  Mamma hennar var dóttir Jóns klæðskera sem var hér aðalgarðyrkjumaðurinn í mörg herrans ár áður en ég tók við.  Jónsgaður er skírður eftir honum, ég sá til þess til að heiðra látinn heiðursmanns og konu hans, enda er minnisvarði í garðinum um þau hjón.  Það gekk samt ekki andskotalaust að fá þetta samþykkt, ég get svo svarið það.  En Afi Ingibjargar er græn hetja fyrir mér. 

[Hrönn Sigurðardóttir, 12.8.2007 kl. 23:18]

Það hlaut að vera. Hún er svo indæl hún Ingibjörg. Mér finnst alltaf gott að koma til hennar.

Plönturnar hennar eru líka hraustar og fallegar. Ég hef aldrei lent í því að blómin hennar glepjist niður eftir að þau eru komin til mín.

[Marta B Helgadóttir, 13.8.2007 kl. 12:29]

Flottar myndir Hrönn. Ég hef aldrei átt Hawairós, skilst að þær séu svo viðkvæmar.

[Rebbý, 14.8.2007 kl. 12:44]

glæsilegur dagur hjá þér
ég er svo stolt af því að eiga jólarósina mína ennþá frá því í nóv 2006 ... hún helst vonandi fram á næstu jól í fínu formi
ég sem hef aldrei getað átt blóm áður

[Steinunn Helga Sigurðardóttir, 14.8.2007 kl. 13:48]

ég datt líka í kaupæði í gær, keypti fullt fullt af laukum til að setja niður í september ! skil þetta alltof vel !

finn lykt af íslenskri náttúru

AlheimsLjós til þín

steina í Lejre