Vorboðar....

Vaknaði seint, sé það alveg í hendi mér að þessi lífsmáti að vaka á nóttunni og sofa á daginn hentar mér ekki!

Hristi af mér slenið og fór út í sólskinið. Gekk upp með á með labbakút. Hlustaði á flúðirnar í fjarzka og hunangsflugurnar suða - sumar óþægilega nálægt mér..... Var að leita mér að steini til að hvíla lúin bein þegar ég tók eftir að litli snúllinn var eitthvað órólegur að snuddast í rjóðrinu fyrir ofan mig. Þegar ég kíkti þangað sá ég hvar hann hafi fundið þrjá útilegumenn - steinsofandi eftir erfiði næturinnar. Þeim hefur sjálfsagt fundist áin róandi líka  Við íhuguðum örskamma stund að míga á þá - við eigum nú einu sinni þennan reit - en hættum við og héldum þess í stað áfram, enda voru þeir farnir að bæra á sér og við ekkert sérlega ginkeypt fyrir vakandi útilegumönnum. Og svo kunnum við okkur líka

Sáum svo hilla undir annan svipaðan fýr úti á túni þar sem hann var annað hvort að æfa sig fyrir brúarhlaupið eða - og það þótti okkur líklegra - var að leita að lyklunum sínum.

Fyrsta ferðahelgi ársins er sannarlega runnin upp með öllum þeim skrautfuglum sem henni fylgja  

Ég vil taka það fram að ég efast ekki eitt andartak um að allir þessir menn eru aðkomumenn....

Well - ætla að hella mér uppá kaffi og baka vöfflur í tilefni af því að við komumst heil á húfi heim. Mun taka upp gamla lífshætti og fara snemma að sofa í kvöld og næstu kvöld. Nema kannski þegar heimilislæknirinn yndisfríði húsvitjar.

smjúts

Athugasemdir

[Fanney Björg Karlsdóttir, 27.5.2007 kl. 18:10]

... ef ég hefði nú vitað af vöfflunum þá hefði ég nú rekið inn nefið hjá þér þegar ég keyrði í gegnum Selfoss í dag........ geri það næst.. og þá í þeirri trú að vöffulbaksturinn verði endurtekinn.....

[Hrönn Sigurðardóttir, 27.5.2007 kl. 18:27]

Já það hefði nú verið skárra að fá þig heldur en útilegumennina sem vöknuðu og runnu á ilminn.....

[Ásthildur Cesil Þórðardóttir, 27.5.2007 kl. 18:34]

 Gott hjá þér að hætta við að gerast næturhrafn.

[Hrönn Sigurðardóttir, 27.5.2007 kl. 18:36]

Jamm Cesil - ég er líka svo vonlaus í því....

....betra að gera það sem maður gerir vel

[Jenný Anna Baldursdóttir, 28.5.2007 kl. 09:34]

Vó maður verður hræddur.  Þrír útlegumenn í einu.  Rosalega eigið þið mikið af jaðarfólki þarna í Árborg.  Hér í Reykjavík eru útilegumenn hreinilega bannaðir.  Smjúts

[Steinunn Helga Sigurðardóttir, 28.5.2007 kl. 13:15]

hafðu góan dag með vöfflum, ummylmar vel

ljós til þín

steina 

[Ásthildur Cesil Þórðardóttir, 28.5.2007 kl. 16:36]

Ég held að þú gerir allt vel sem þú gerir  

[Guðný Anna Arnþórsdóttir, 29.5.2007 kl. 13:48]

Maður á semsé von á vöfflum....? Dásemd.

[Hrönn Sigurðardóttir, 29.5.2007 kl. 15:06]

Já  Vöfflur eru dásamlegar. Nema þegar heimilislæknirinn húsvitjar, þá er ég alveg límd við skjáinn

[Hrönn Sigurðardóttir, 29.5.2007 kl. 15:07]

Auðvitað eru vöfflur líka dásamlegar þegar hann er í heimsókn. Þetta kom eitthvað skringilega út hjá mér.....

Get líklega bara hugsað um eitt í einu.....