Þögnin....

.....er svo frábær. Eftir að hafa setið í vinnunni þar sem loftbor var að störfum uppi á þaki???!!! síminn hringdi stanslaust og allir kölluðu á mig.... - enda er ég vinsæl með afbrigðum  Fór ég í gönguferð upp með ánni, hlustaði á hunangsflugurnar suða, fuglana syngja, fallegt hljóðið þegar gæsirnar lenda á vatni - eða í mínu tilfelli ánni....hafiði tekið eftir því? Þegar litli labbakútur fékk frekjukast og gelti á mig, hvíslaði ég á móti að hann hræddi alla fuglana með því að láta svona.

Hann tók svosem ekki mikið mark á mér, frekar en fyrri daginn, en hallaði þó aðeins undir flatt og reyndi að hlusta hvað ég væri að segja

Aðdáandinn minn - þessi með hjartað úr steini - var búin að mynda stafi úr steinunum, handa mér að sjálfsögðu..... Verst að ég skildi hann ekki aaaaalveg. Það stóð I gove....... held hann sé af erlendu bergi brotinn, þó ekki ensku, eða lesblindur Íslendingur?

Enn snjóar - og ég sem ætlaði út að hlaupa í fyrramálið, spurning hvort ég finn ekki frekar gönguskíðin, verst að ég stend ekki á þeim fyrr en á öðru rauðvínsglasi sem er fullmikið á morgnana, jafnvel fyrir mig....

Það liggur við að ég taki Jenný Önnu trúanlega að það sé nóvember og fari út á morgun og verzli jólagjafir.

Hvað langar ykkur í í jólagjöf?

Athugasemdir

[Ásthildur Cesil Þórðardóttir, 21.5.2007 kl. 20:50]

Nýju Harrý Potterbókina. 

[Hrönn Sigurðardóttir, 21.5.2007 kl. 20:58]

[Jenný Anna Baldursdóttir, 21.5.2007 kl. 21:44]

Mig langar í Idíánabókina strax. Hehe

[Hrönn Sigurðardóttir, 21.5.2007 kl. 21:56]

 Þá þarf ég víst að sofa aðeins lengur..............

[Guðný Anna Arnþórsdóttir, 21.5.2007 kl. 22:17]

Húfu og múffur úr kanínuskinni fyrir mig, takk. Sný ekki aftur með nóvemberveðrið. Ég varð næstum veðurteppt milli Reykjavíkur og Hafnarfjarðar í dag.

[Hrönn Sigurðardóttir, 21.5.2007 kl. 22:37]

...það er nú ekkert! ÉG varð næstum úti - úti á golfvelli í morgun

[Hugarfluga, 21.5.2007 kl. 22:38]

Já, ég hef fengið hrós fyrir minn hunangssæta sögn. Gaman að hafa glatt þig!!

[Hugarfluga, 21.5.2007 kl. 22:38]

Sögn = söng ... duh!

[Hrönn Sigurðardóttir, 21.5.2007 kl. 22:40]

 takk fluva litla. Alltaf róandi að hlusta á þig....

....sérstaklega í sögnum

[SigrúnSveitó, 22.5.2007 kl. 07:44]

Verst hvað þú átt heima langt í burtu, annars væri ég til í að hlaupa með þér.  Hins vegar væri ég ekki til í rauðvínsdrykkju...rauðvín hefur alltaf gefið mér mígreni...í þessi þrjú skipti sem ég prófaði að drekka það...lagði ekki í það aftur...var sannfærð eftir 3ja skiptið!!

[Hrönn Sigurðardóttir, 22.5.2007 kl. 07:58]

Og værir velkomin með