Til hamingju með daginn

Vaknaði snemma..... eldsnemma, fór í hlaupagallann og ég og fjórfætti drengurinn fórum út á golfvöll og skokkuðum einn hring áður en golfararnir mættu á svæðið - eða hann hentist um og rak gæsir og tjald úr vegi mínum og ég lötraði á eftir í skemmtiskokksgír  

Kom svo heim í ungmennafélagslitnum - sem bæ þe vei er skemmtilega fjólublár í minni sveit - stökk í sturtu og er að spá í að leggja mig - eða kannski bara lesa góða bók

 Var búin að lofa tvífætta drengnum gúllassúpu í dag og heimabökuðu brauði.

Eru frídagar ekki frábærir?

Athugasemdir

[Guðný Anna Arnþórsdóttir, 1.5.2007 kl. 22:26]

Nauðsyn - yndis - og unaðs - legir.

[Hrönn Sigurðardóttir, 1.5.2007 kl. 22:56]

Algjörlega, finn að vísu að það eru að hellast í mig harðsperrur eftir skemmtiskokkið - hefði átt að fá mér banana áður en ég sofnaði aftur

[Jenný Anna Baldursdóttir, 2.5.2007 kl. 23:23]

Jú frábærir en ekki svo mikið þegar þeir eru liðnir.  Síjú!