Háskóli Íslands

Ég dró andann djúpt og fylltist lotningu þegar ég steig inn fyrir dyrnar í Odda í morgun í fyrsta skipti á ævinni og í fyrsta skipti sem ég stíg fæti inn fyrir HÍ sem nemandi.

Ég var að hugsa um að biðja manninn fyrir framan mig að taka mynd en lagði ekki í það enda strunsaði hann inn eins og hann væri búinn að vinna þarna í mööööörg ár og ekkert væri sjálfsagðara en að ganga inn um þessar dyr.

Gaman að segja frá því að fyrsta manneskjan sem ég hitti var Marta  það spillti nú ekki ánægju dagsins. Ég fékk mér te með henni og sagði frá því að ég hefði nánast ekkert sofið og því síður borðað af spenningi síðan ég var samþykkt inn í Háskólann. Þetta endar með því að ég verð há og grönn - verst að baugarnir koma til með að ná niður að hnjám.

Ég er enn í skýjunum yfir að vera orðin nemandi við Háskóla Íslands - langþráð markmið loks í höfn - og ætla mér svo sannarlega að njóta þessarar tilfinningar á meðan hún endist mér.

Rosalega er ég ánægð. 

Athugasemdir

[Jóna Kolbrún Garðarsdóttir, 8.1.2013 kl. 01:34]

Til hamingju með áfangann :)

[Hrönn Sigurðardóttir, 8.1.2013 kl. 08:54]

Takk :)

[Ragnheiður , 8.1.2013 kl. 13:13]

Til hamingju með þetta :)

[Ásthildur Cesil Þórðardóttir, 8.1.2013 kl. 13:17]

Innilega til hamingju með þennan áfanga Hrönn mín, ég er stolt fyrir þína hönd

[Hrönn Sigurðardóttir, 9.1.2013 kl. 22:37]

Takk takk :)

[Margrét Birna Auðunsdóttir, 15.1.2013 kl. 22:50]

Þetta er yndisleg tilfinning

[Hrönn Sigurðardóttir, 17.1.2013 kl. 23:16]

Ekkert smá :)