Kona fer til læknis að láta ráða drauma sína um snúrublogg.

Hana.... þarna sameinaði ég í einni fyrirsögn nánast allt það leiðinlega sem fólk talar um  Nema sko ef ég tala um það.....

En af því að ég er í kirkjukórnum þá jarðsetti ég kryddjurtir í dag, hinir sá bara  Ég legg nú ekki meira á ykkur. Síðast þegar ég stóð í þeim stórræðum stytti ég mér leið ofan í kjallara og gekk um í margar vikur með brotin bein og kjallarargólfið stimplað á óæðri endann. Þar áður þegar ég jarðsetti kryddjurtir brast hér á með Suðurlandsskjálfta og ég sat hér úti á tröppum eins og „hver önnur kínverzk kjélling“ svo ég vitni nú í orð mín á þeim tíma. Í dag mundi ég hugsanlega líkja mér meira við Ásdísi Rán....... 

Ég vildi bara vara ykkur við.

Annars er ég að mestu leyti góð þessa dagana - nýkomin úr ástandsskoðun og fékk góða dóma þrátt fyrir aldur og fyrri störf. Þið munið það kannski ekki en ég sagði ykkur það fyrir um það bil ári síðan að ég hefi farið til læknis. Hann sagði mér að ég væri bæði lítil og feit - það vantaði bara að hann segði að ég væri ljót líka  Fyrir þetta borgaði ég stórfé og hef gengið átta kílómetra nánast daglega síðan í bræði minni. Þessir kílómetrar hafa nú skilað sér í betri heilsu og útliti. Enda sagði hann mér hvorki að ég væri lítil né feit. 

Hann spurði mig hinsvegar hvernig í ósköpunum hefði staðið á því að ég hefði dottið út af tékklista hjá honum. Ég stóðst náttúrulega ekki mátið og sagði honum að það væri soldið svona þí story of mæ læf að detta út af listum hjá mönnum - það væri helst skatturinn sem gleymdi mér ekki  

 

 

Athugasemdir

[Ragnheiður , 31.5.2012 kl. 01:55]

Iss minn læknir sér svona illa líka, spáðu í ef þeir væru flugstjórar :)

Skatturinn man ekki einu sinni eftir mér - það er orðið svo glatað ástandið hérna.

[Halldór Egill Guðnason, 31.5.2012 kl. 03:48]

Ertu að segja mér að jarðarberjareiturinn hafi ekki gefið neitt af sér?????? Sáþernlandserþkveik og vermireiturinn að engu orðinn? Goshhh. Trúi þessu varla. Þetta var nú ekki há bygging! Byggingareglugerðin stenst engar kröfur. Ðats obvíus!

Þú ert snilld og ættir að blogga á hverjum degi! 

Þó ekki væri nema til að halda "okkur hinum" í góðu skapi

[Halldór Egill Guðnason, 31.5.2012 kl. 03:54]

......og læknum landsins á tánum! 

[Halldór Egill Guðnason, 31.5.2012 kl. 03:57]

Hey.......! 12.12.´12....Þetta verður gott ár!

[Hrönn Sigurðardóttir, 31.5.2012 kl. 05:54]

hahha þið eruð ágæt.

Nei Tuðs litli. Það stefnir í met ár hvað varðar jarðarberjauppskeru. Mér sýnist að ég fái jafnvel þrjú ber :) Þetta endar með því að ég fer að gefa með mér!

[Ásthildur Cesil Þórðardóttir, 31.5.2012 kl. 13:02]

Hahaha gott að heyra þér aftur kjeddling, alltof langt síðan, ég get auðvitað trútt um talað því svona jarðskjálftar koma ekki hingað til mín

You made my day

[Hrönn Sigurðardóttir, 31.5.2012 kl. 14:26]

Takk fyrir það Cesil mín - ekki slæmt :)

[Ásthildur Cesil Þórðardóttir, 31.5.2012 kl. 19:26]

[Margrét Birna Auðunsdóttir, 31.5.2012 kl. 22:13]

[Jóna Kolbrún Garðarsdóttir, 1.6.2012 kl. 01:41]