Impingment og bursur

Ég fór í sónar og myndatöku um daginn.

Allir rólegir - ég er ekki ólétt

Ég nefnilega stytti mér leið á milli hæða fyrir tæpu ári og hef ekki náð öxlinni góðri síðan. Ég brosti mínu blíðasta á röntgenmyndinni og læknirinn sem tók mig í sónar sagði að ég liti mjög illa út. Ég hef ekki brosað síðan. Enda verið upptekin við að drepast í öxlinni

Í gær sendi ég svo uppáhaldslækninum mínum bréf - eins og ég kýs að kalla þau samskipti okkar sem fara fram í gegnum ímeil - og spurði hann hvort niðurstöður hefðu borist.

Hann svaraði mér um hæl og sagði að það væri þroti í bursunni og mikið impingment við abduction. Ég flissaði daðurslega og skrifaði honum að ég væri sérlega ánægð - bæði með hann og þessa setningu.

Nú get ég - þegar fólk spyr mig hvernig ég sé í öxlinni - í stað þess að svara eins og geðvont gamalmenni að því komi það ekki við, sett mig í stellingar og sagt. Það er þroti í bursunni og mikið impingment við abduction.

Og það bezta er að fólk er engu nær

 

Athugasemdir

[Valgerður Ósk (IP-tala skráð) 12.4.2011 kl. 17:01]

eitthvað með þrota í slímbelg og einhvers konar klemmu við hreyfingu????

[Hrönn Sigurðardóttir, 12.4.2011 kl. 17:29]

hahah góð!

Á íslensku þýðir þetta að það sé bólga í stuðpúðanum og þrengingar undir axlarhyrnunni - ég legg nú ekki meira á þig. Spáðu í það að vera með stuðpúða

 

[Valgerður Ósk (IP-tala skráð) 12.4.2011 kl. 17:56]

Mamma mín fór í axlaraðgerð fyrir nokkrum árum og þessi þekking stafar frá lesefninu á biðstofunni á sjúkrahúsinu....stuðpúði hljómar vel en er þá bólgið stuð of mikið af stuði??

[Ásthildur Cesil Þórðardóttir, 12.4.2011 kl. 18:00]

Vá og hvað með þó þú væri ólétt mín kæra, þú ert örugglega ein besta mamma í heimi

[Hrönn Sigurðardóttir, 12.4.2011 kl. 18:30]

hehehe Bólgið stuð!! Það væri kannski ekki úr vegi að benda þeim á að umorða frasann um eril hjá dagbók lögreglunnar?

Takk Cesil mín

[Ásthildur Cesil Þórðardóttir, 12.4.2011 kl. 18:37]

Ásamt mér  Við erum flottastar.

[Hrönn Sigurðardóttir, 12.4.2011 kl. 18:44]

Tvímælalaust!

[Ásthildur Cesil Þórðardóttir, 12.4.2011 kl. 19:00]

[Jóna Kolbrún Garðarsdóttir, 13.4.2011 kl. 01:14]

[Birna Dis Vilbertsdóttir (IP-tala skráð) 13.4.2011 kl. 11:41]

 bólgið stuð hehehehe

[Margrét Birna Auðunsdóttir, 14.4.2011 kl. 16:56]

hahaha góð

[www.zordis.com, 14.4.2011 kl. 21:06]

Stuðboltar hafa jafnan stuðpúða!  Þú styttir þér ógnarlega ferð milli hæða   Gleymdir bara fimleikadýnunni til að falla á!

Sko, Fjallið er búinn að segja mér að þeir sem þjást af abducion hafa ótrúlegt aðdráttarafl svo þú skalt bara búast við brúðkaupi 11.11.11.  Nokkuð ljóst!

[Hrönn Sigurðardóttir, 14.4.2011 kl. 22:25]

hahah kysstu Fjallið frá mér :)

[Hrönn Sigurðardóttir, 14.4.2011 kl. 22:25]

.... ég hafði allaveg aðrdáttarafl á kjallaragólfið

[Sigrún Jónsdóttir, 19.4.2011 kl. 11:59]

Kem alltof sjaldan hér inn núorðið....sé að ég er að missa af miklu

[Marta B Helgadóttir, 20.4.2011 kl. 11:18]