Það er dekurdagur hjá minni

í dag.

Ég smurði ösku úr Eyjafjallajökli á andlitið á mér, tók mynd og skipti um profile á facebook. Það er nefnilega um að gera að líta nógu ógurlega út þar. Svo þegar fólk hittir mann í raunheimum verður það svo rasandi hissa á hvað maður lítur vel út.....

Ég er soldið hissa á hvað fólk flaskar á þessu. Allir alltaf að velja beztu myndirnar af sér

Svo fór ég í sturtu, skóf af mér hælana a la Öskubuska og smurði svo kremi á þá á eftir. Á morgun verða þeir lungamjúkir eins og á ungabarni. Restaði svo á að setja fastan lit á augabrúnirnar.

Nú bíð ég bara eftir riddaranum á hvíta hestinum að taka mig með sér á þorrablót að borða skemmdan mat.

Á meðan ætla ég að kíkja í bók, vefja utan um mig sjalinu sem ég keypti mér í Hósiló í morgun og hugsanlega taka smá bjútíblund í leiðinni.

Á morgun ætla ég hins vegar að mæta með sjalið i kirkju að syngja jesúslagara og ljúga að öllum að ég hafi heklað það sjálf -  það er kosturinn við að mæta í messur og syngja fyrir jesú. Ég á svo mikið inni hjá þeim félögum og má bæði plata og hræða börn.

Athugasemdir

[Marta B Helgadóttir, 5.2.2011 kl. 23:37]

óborganleg

[Jóna Kolbrún Garðarsdóttir, 6.2.2011 kl. 01:57]

Mig vantar draumaprins sem býður mér á almennilegt þorrablót...  Ég þarf að fara að leita af vondum myndum af mér til þess að fólk fái ekki sjokk þegar ég hitti það í raunheimum :) 

[Hrönn Sigurðardóttir, 6.2.2011 kl. 08:26]

Já stelpur mínar. Ljótar myndir eru stórlega vanmetnar

[Birna Dis Vilbertsdóttir (IP-tala skráð) 6.2.2011 kl. 10:54]

[Anna Einarsdóttir, 6.2.2011 kl. 15:46]

Það er töluvert auðveldara að finna bara riddara heldur en riddara á hvítum hesti.  Ég mæli því með að þú fjárfestir sjálf í hvítum hesti til að eiga þegar á þarf að halda - þ.e. undir gangandi riddarann, riddarann á gráa Fiatinum eða riddarann á neongrænu vespunni.     

[Hrönn Sigurðardóttir, 6.2.2011 kl. 16:24]

Já Anna!! Það er góð hugmynd

[Ásthildur Cesil Þórðardóttir, 7.2.2011 kl. 17:46]

mmmmÞorrablót, það er það sem ég sakna núna þorramat.  Þú ert frábær Hrönn mín.

[www.zordis.com, 8.2.2011 kl. 16:32]

Svo er alltaf spurningin að finna bara prinsessu á traktor.  Hvernig var svo þorrablótið og hvernig tók prinsinn á skvízunni? 

Alldeilis hressandi fegurðartips   Prófum svo kattarsandinn saman ....