Gigg í göngutúr

Ég fór út með vitleysingana þrjá snemma í gærmorgun. Fílaði mig pínu pons eins og ég væri á hundasleða með kött í eftirdragi þangað til ég komst af malbikinu og út á malarveginn meðfram ánni.

Það var fantafrost, fullt tungl og stjörnurnar tindruðu á himninum, máninn merlaði á yfirborði árinnar einna líkast því að stjörnurnar hefðu ákveðið að tylla sér þar eitt augnablik. Mér leið eins og ég væri stödd í jólakorti.

...og þá fór ég að hugsa um jólaskreytingar. Fólk skreytir á ýmsan hátt. Sumir láta duga að setja upp eina og eina seríu og jólastjörnu eða aðventuljós út í glugga. Aðrir eiga kynstrin öll af jólasveinum sem þeir stilla upp úti í garði, eða í stiga á leiðinni upp á þak. Einn og einn á jafnvel Rúdólf með rauða nefið og hreindýrasleðann.

Enn aðrir setja upp helgileik í garðinum hjá sér með ðí happí familí - Jósef, Maríu og Jesúbarninu í jötunni og allt svosem gott um það að segja.........

....en það sem ég hef aldrei skilið er þegar fólk plantar jólasveinum, snjókörlum, Rúdólf, hreindýrasleðanum og fyrrnefndri fjölskyldu ásamt vitringunum þremur í garðinn sinn.

Mér líður alltaf eins og ég sé stödd í ruglingslegu ævintýri þegar þannig skreytingar rekur á fjörur mínar!

En hundarnir voru ánægðir með sín ævintýri í göngutúrnum í frostköldu myrkrinu og litli Vargurinn líka - enda ábyggilega yfrið nóg af músum á kreiki í móanum.

Góðar stundir

 

 

 

 

 

 

 

 

.....rétt´upp hend sem er ekki farinn að söngla síríus konsum lagið

 

Athugasemdir

[Ragnheiður , 23.11.2010 kl. 00:58]

hvaða lag er það ? ég veit ekkert.

Hefurðu reynt að horfa á Lísu í Undralandi ? það er aldeilis snargalin uppsetning..svipuð þessu sem þú skrifar um

[Jóna Kolbrún Garðarsdóttir, 23.11.2010 kl. 02:17]

[Halldór Egill Guðnason, 23.11.2010 kl. 03:24]

Ég er ennþá að reyna að sjá fyrir mér hundasleða með kött í eftirdragi, brunandi af malbiki yfir á malarveg Hver stjórnar þessum göngutúrum eiginlega hjá þér, Hrönn mín? Er ekki örugglega allt í sómanum hjá þér gæskan? 

[Halldór Egill Guðnason, 23.11.2010 kl. 05:09]

Svo spyrðu í restina um konsúmsúkkulaðisöng,,,,, Ég verð bara að játa það að Tuðrinn er farinn að hafa verulegar áhyggjur af þessu öllu saman. Sýnist Selfoss ekki vera góður staður til að ala upp tvo hunda og kött..... Ég meina það!

[Hrönn Sigurðardóttir, 23.11.2010 kl. 06:37]

hahahahah já Selfoss er góður staður til að ala upp tvo hunda og kött. Spurning samt hvort það ætti nokkuð að vera að blanda síríus laginu inn í það

Ragga! Manstu ekki eftir auglýsingunni: "Góðar stundir......." Síríus consum súkkulaði - fyrir Íslendinga í 70 ár...... eða eitthvað svoleiðis :)

[Birna Dis Vilbertsdóttir (IP-tala skráð) 23.11.2010 kl. 10:42]

Sá ykkur fyrir mér  gott að það var ekki mikil umferð .Ég er afar hógvær í mínum skreytingum,enda jóladótið mitt (því sem ekki var stolið korteri fyrir jól 2006)á Íslandi.Ég hef hins vegar ljósaseríu og eitthvað smotterí.Lifandi jólatré er ekkert vandamál að fá hér enda landið sem ég bí í  undirlagt af trjámklem og knús

[Hrönn Sigurðardóttir, 23.11.2010 kl. 21:14]

Klem og knus tilbage :)

[Sigrún Jónsdóttir, 24.11.2010 kl. 04:00]

Besti staðurinn að kíkja í heimsókn, þegar maður er andvaka..Þú ert yndisleg

[Ásthildur Cesil Þórðardóttir, 24.11.2010 kl. 11:09]

Jamm, kötturinn hefur náttúrulega verið á eftir til að ýta á sleðan þegar allt var stopp

Þegar þú talar um aðventuljós, ertu þá ekki að meina gyðingaljósin sem allir troða út í gluggana hjá sér um jólin

[Hrönn Sigurðardóttir, 24.11.2010 kl. 13:07]

Jú Cesel ég var bara að reyna að vera hæverzk

Takk Sigrún i ligemod

[www.zordis.com, 25.11.2010 kl. 17:50]

Rétti upp hönd ....  Það eru aðrir söngvar sem ég raula og vagga mér í taktinn. 

Nú fer tími skreytinga að ganga í garð!  Enn sem komið er þá eru kertaljósin numero uno og ég þarf að herða mig í könglamálun, greinilega til að eiga nóg í frosthörkunni yfir áramótin.

Annars væri nú gaman að glöggva sig með þér! 

[Anna Einarsdóttir, 2.12.2010 kl. 23:39]

Takk !  Þú minntir mig á að ég þarf að laga seríuna í herbergi dótturinnar.  Hún er öll á niðurleið.    (Serían sko)