Gaurinn niðri...

... er ágætis náungi.

Hann flutti inn, ásamt fjölskyldunni,  síðla sumars og síðan hefur hann staðið í stanslausum breytingum. Hann er búin að brjóta niður alla milliveggi og er að frá morgni til kvölds með heavy duty verkfæri. Við erum að tala um allskyns borvélar, steinsagir, brothamra og fleira og fleira sem ég hreinlega kann ekki að nefna, gott ef það leynast ekki steinsmugur þarna inni á milli....... Brotahaugurinn í garðinum stækkar jafnt og þétt í réttu samræmi við hvað veggjunum fækkar

Einu mínar áhyggjur eru þær að hann sé búinn að breyta svo rækilega þarna niðri að hann endi í loftvarnarbyrgi og ég á jarðhæðinni - en það er bara hans vandamál....

Ég meina hvursu miklu er hægt að breyta í ríflega sextíufermetra íbúð? En ég er staðráðin í að halda áfram að brosa til hans og heilsa honum fallega vegna þess að klukkan fimm á hverjum degi dettur allt í dúnalogn þarna niðri og heyrist ekki meir fyrr en dagur rís á ný. Svo spillir ekki fyrir honum að hann á krúttlegan fimm ára son sem kemur stundum að heimsækja mig

Annars er ég ennþá með stjörnur í skónum og ekki laust við að ég öfundi sjálfa mig að hafa komist á sjóvið hans Palla á föstudaginn var

Lifið í lukku

Athugasemdir

[www.zordis.com, 8.11.2010 kl. 22:24]

Klárlega nokkrar steinsmugur hehe  Og hver veit nema að hann sé með fiskeldi með náttúrulegri uppsprettu.

Þú ert með stjörnur í skónum og ég í augunum yfir Palla

[Ásthildur Cesil Þórðardóttir, 8.11.2010 kl. 23:17]

Æ elskulega Hrönn mín, þú ert ómissandi í mínu lífi, sverða

[Halldór Egill Guðnason, 10.11.2010 kl. 04:05]

Ertu alveg viss um að þú sérst að skrifa þetta blogg af efri hæðinni? Kannaðu jarðarberjareitinn! Hann gæti verið ofar í dag en hann var í vor, altso frá þér séð

[Birna Dis Vilbertsdóttir (IP-tala skráð) 11.11.2010 kl. 12:09]

hehehehe getur þú ekki tekið góðar söngæfingar á meðan lætin eru .