Feng shui

Ég hef pínu verið að stúdera Feng shui og komist að ýmsu. Margt í þessum fræðum er tiltölulega einfalt -  eins og til dæmis að binda fjólubláan klút í vinstra fjarhorn stofunnar til að auka peningastreymi. Öðru hef ég glott hæðnislega að og talið eingöngu til þess fundið að fá konur - því það eru jú oftast konur sem skoða svona fræði - til að þrífa betur í kringum sig......

Tvö meginöfl Feng shui fræðanna er eins og nafnið gefur til kynna vatn og vindur og ég hef lengi verið svolítið veik fyrir gosbrunnunum sem tengjast fræðunum, enda hafmeyja innst í hjarta mínu. Hef samt aldrei tímt að kaupa mér slíkan gosbrunn enda kosta þeir marga, marga peninga.

Ég fór á námskeið í bænum í vikunni sem leið og á leiðinni heim kom ég við í Glæsibæ og keypti mér krókódílatár - en þar fást þau á tilboðsverði. Nokkuð sem mætti lauma að þeim sem væla mest yfir handtökum útrásarvíkinga þessa dagana........... en það er nú önnur saga. Á leiðinni út aftur gekk ég hjá búð sem heitir Perlukafarinn eða eitthvað slíkt og kíkti inní hana. Stóðst ekki mátið og keypti mér  grjóthnullung sem glitraði þar og skein. Ég er sannfærð um að þetta er óskasteinn

Í morgun stóð ég svo úti á tröppum í sólinni og vökvaði blómin mín og kryddjurtirnar þegar maðurinn sem vinnur á nytjamarkaðnum handan þjóðvegarins kom til mín og bað mig um vatn í könnu. Það var svo sem auðsótt mál enda nóg til af vatninu í mínum krana. Á meðan ég lét vatnið renna smástund til kælingar sagði hann mér að hann hefði fengið inn á markaðinn lítinn gosbrunn með vatnsdælu sem hann langaði að setja af stað. Hann sagðist hafa hugsað til mín þegar hann sá gosbrunninn - hvers vegna veit ég samt ekki - því ég hef aldrei sagt neinum frá því að mig langi í svona græju. Ég skottaðist síðan yfir götuna nokkru síðar og keypti vitaskuld gosbrunninn fyrir ekki svo marga peninga.

Nú er ég stoltur eigandi gosbrunns þar sem óskasteinninn lætur eins og hann sé kominn heim í sína einka steinaskál..... og ekki spillir fyrir að gosbrunnurinn er skreyttur englum

Athugasemdir

[www.zordis.com, 24.5.2010 kl. 14:53]

Svona leita fallegir hlutir að uppruna sínum og heimili! Knús á þig galdrastelpa! Feng shui er alsönn fræði sem sum okkar berum í hjartanu. Af hverju heldur þú að allir skemmtilegustu vina minna séu vinir? Og ..... hehe knúz!

[Valgerður Ósk (IP-tala skráð) 25.5.2010 kl. 14:38]

Er kisi ekki ánægður með þessa einka drykkjarskál sína???

[Hrönn Sigurðardóttir, 25.5.2010 kl. 14:57]

Fyndið að þú skulir spyrja! Kisi getur ekki látið vatnið í skálinni vera. Ef hann er ekki að veiða bununa er hann að fá sér að drekka

Jú Zordis - það getur ekki verið nein tilviljun að allir skemmtilegustu vinir þínir séu vinir

[Valgerður Ósk (IP-tala skráð) 25.5.2010 kl. 16:44]

Kisan hjá foreldrum mínum var einmitt svo ánægð þegar það kom svona drykkjarbrunnur á heimilið það var eins og henni hefði aldrei verið gefið að drekka nóg áður greyinu.

[Birna Dis Vilbertsdóttir (IP-tala skráð) 26.5.2010 kl. 12:34]

[Jóhanna Magnúsdóttir, 26.5.2010 kl. 18:35]

Power of attracton mætir Feng Shui!

[Sigrún Jónsdóttir, 27.5.2010 kl. 00:27]

Er gosbrunnurinn innandyra?  Alltaf gaman að lesa hjá þér

[Hrönn Sigurðardóttir, 27.5.2010 kl. 14:48]

já já við reynum að halda öllu vatni heima í héraði ;)

[Halldór Egill Guðnason, 28.5.2010 kl. 02:12]

Að setja fjólubláan klút í "VINSTRA FJARHORN STOFUNNAR" segirðu..... Heppnaðist grenilega hjá þér. Ég meina gosbrunnnurinn kominn og allt. Eignast maður bara ekki HS-Orku ef settir eru klútar í öll hornin? Þú ert ekkert minna en snillingur. Fer í Vouge á morgun og kaupi klúta! Segðu mér samt fyrst hvar ég á að standa til að finna vinstra fjarhornið. Á ég að vera eldhúsmegin eða þar sem gengið er út á pall?

[Hrönn Sigurðardóttir, 28.5.2010 kl. 06:44]

hahahha Halldór - galdurinn er að finna rétta vinstra fjarhornið

[www.zordis.com, 28.5.2010 kl. 07:28]

Búin að finna mitt fjarhorn og reyndar nokkur önnur sem fá sína réttu liti. Puðr í hálsakot og muna að snúa skeinirnum rétt og loka ávallt kló-setunni við niðursturtun og og og

[Hrönn Sigurðardóttir, 28.5.2010 kl. 14:51]

...og henda út öllum kaktusum - ekki vill maður vera sakaður um brodd

[Ásthildur Cesil Þórðardóttir, 1.6.2010 kl. 09:17]

Hahaha óskasteinar og hafmeyjur, þú ert flottust Hrönn.