Ættaróðalið....

Þannig er að ég á ættir að rekja undir Fjöllin!

Fjöllunum þar sem gýs núna......Frændi minn einn býr þar á ættaróðalinu sem hefur verið rýmt vegna gossins. Ég sá mér náttúrulega leik á borði og hóf að safna liði. Ég hef nefnilega verið að undirbúa fjandsamlega yfirtöku síðan jarðhræringar hófust á svæðinu. Ég vissi að þetta væri bara tímaspursmál. Það setti að vísu smá strik í reikninginn að löggan lokaði veginum austur - nema fólk ætti brýnt erindi.... en ég meina, skilgreindu brýnt erindi!

Ég var hinsvegar búin að undirbúa plan B eins og allir góðir stríðsmenn og ætlaði niður Gaulverjabæ og yfir Þjórsá á ferju! Það gæti þá í leiðinni reynt á ferjulögin sem - mér vitanlega - hafa aldrei verið afnumin!

Dagurinn hefur sumsé farið í að taka myndir niður af veggjum. Myndir, sem ég ætla síðan að hengja upp á óðalinu yfirtökunni til sönnunar!

Já krakkar mínir. Það er löngu kominn tími á réttlætisjöfnun í þessum heimi! Ég meina...... ef amma mín hefði verið afi minn þá væri ég núna ríkur, skeggjaður bóndi undir Fjöllunum.

Stay tuned - hver veit nema næsta færsla komi af órólega svæðinu

Athugasemdir

[Anna Einarsdóttir, 21.3.2010 kl. 21:14]

Wow ....... spennandi.      Og skemmtilegt.

[Hrönn Sigurðardóttir, 21.3.2010 kl. 21:56]

Já Anna.... sérstaklega fyrir frænda minn

[Anna Einarsdóttir, 21.3.2010 kl. 22:45]

Og hugsaðu þér........ ef amma þín hefði verið afi þinn........og þú hefðir þá verið ríkur frændi á ættaróðalinu sem var rýmt...... þá hefði verið tekið viðtal við þig fyrir sjónvarpið út af gosinu og þú værir orðin fræg ! 

Svekkelsi að amma þín var stelpa. 

[Hrönn Sigurðardóttir, 21.3.2010 kl. 22:50]

Kom viðtal við hugsanlega mig?

Já tölum um svekkelsi......

[Brattur, 21.3.2010 kl. 22:55]

Nú ruglið þið mig alveg... ef amma hefði verið afi ???  Þá hefði amma verið með skegg, því afi Stebbi var alltaf með stóra og mikla mottu... get bara ekki séð ömmu Stínu fyrir mér með mottu

Þið eruð ekki í lagi.

[Steingrímur Helgason, 22.3.2010 kl. 00:05]

Ég zé fyrir mér Hrönnzlu með vígalega 'marzmottu' leggja ferjunni eyzdan Þjórzár.

[Sigrún Jónsdóttir, 22.3.2010 kl. 13:21]

Hrönn þú ert frábær...bara varð að segja þér það

[Ásthildur Cesil Þórðardóttir, 22.3.2010 kl. 15:18]

Hehehehe

[Ragnheiður , 22.3.2010 kl. 21:22]

Jæja..og nei ég ætla ekki í berjamó

<----------------

könnun þarna

ég er ekki meira klikk en venjulega...

En hvað ætlarðu að gera þegar frændaódóið kemur heim aftur ?

Standa í dyrunum og segja ; Neeeiii hæ...og blikka augnhárunum ?

[Hrönn Sigurðardóttir, 22.3.2010 kl. 23:57]

Jú sko Ragga.... til þess var myndunum dröslað með. Ég ætla að benda á myndir á veggjum og segja honum, án þess að depla auga, að þetta séu nú mínar myndir. Hvort hann geti bent á eitthvað sem hann eigi.......?

[www.zordis.com, 22.3.2010 kl. 23:57]

Er nettenging á óðalinu?

[Hrönn Sigurðardóttir, 22.3.2010 kl. 23:57]

Og af hverju ætlarðu ekki í berjamó?

[Hrönn Sigurðardóttir, 22.3.2010 kl. 23:58]

Já Zordis! Og rafmagn ;) Ég skal svo bjóða þér í heimsókn í sumar. Nóg pláss í gamla bænum.

[Sigrún frænka (IP-tala skráð) 24.3.2010 kl. 22:18]

Heyrðu, þegar þú ert búin að ná ættaróðalinu til baka þá getum við farið og yfirtekið Korpúlfstaði!! Langa-langa mín og langa-langa-langa þín (sama konan) var alin upp þar!! Svo þú verður umvafin óðulum!!!!!!

[Hrönn Sigurðardóttir, 25.3.2010 kl. 14:44]

Þetta er rétti andinn Sigrún! Þarna þekki ég mína ætt ;)

[Sigrún frænka (IP-tala skráð) 26.3.2010 kl. 19:45]

Ó mæ, ég bætti auka lið í, þetta var bara langamma mín og langa-langa þín svo við eigum allan rétt á óðalinu!!

Já ættin okkar!! Alltaf jafn hæversk!!!! dæs!

[Hrönn Sigurðardóttir, 26.3.2010 kl. 20:14]

hahah það er ekkert gaman að óhæversku fólki ;)