Þögull Þorri heyrir....

Fimmtudagar eru uppáhaldsdagar hjá mér. Þeir byrja á vatnsfimi -  assgoti góðir tímar og ekki spillir félgasskapurinn fyrir - ég meira að segja náði að kría mér út matarboð á morgun í tilefni Þorra og ég borða ekki einu sinni Þorramat! Geri aðrir betur....... Dagurinn endar síðan á kóræfinu. Já.... ekki slæmir dagar fimmtudagar.

Síminn hringdi hjá mér í gær - sem út af fyrir sig er ekkert óvenjulegt ég er jú afar vinsæl..... í símanum var maður sem spurði hvort hann væri sá sem ég ætlaði að giftast. Menn bíða helspenntir út um allan bæ eftir að ég ljóstri því upp hver sá heppni er Ég sver það......

Maðurinn sem ég ætla að giftast hringdi líka í mig í gær - aðeins minna spenntur, enda hef ég hann grunaðan um að lesa ekki bloggið mitt...... og vita þar af leiðandi ekki af því hvað bíður hans

Ég sá Pál Óskar syngja lagið um lífið í Kastljósinu í gær. Hann fyllir mig hamingju þessi drengur og ég er ferlega montin af að hafa einu sinni búið með honum. Ég ætla bara rétt að vona að Palli sé jafn montinn af því að hafa búið með mér

Athugasemdir

[Ásthildur Cesil Þórðardóttir, 21.1.2010 kl. 16:48]

Hann er örugglega jafn montin og þú Hrönn mín.   Vona að maðurinn sem þú ætlar að giftast hafi gaman af því að láta koma sér á óvart.

[Birna Dis Vilbertsdóttir (IP-tala skráð) 21.1.2010 kl. 22:25]

þú ert yndi

[Gudrún Hauksdótttir, 21.1.2010 kl. 22:41]

Ég var alveg búin ad steingleyma tví hversu skemmtilegur bloggari tú ert.Fór nedar í færslunar til ad skemmta mér enntá meyra.

Kvedja frá Hyggestuen.

[Hrönn Sigurðardóttir, 21.1.2010 kl. 22:43]

Hvernig gastu gleymt því? Ég verð að viðurkenna að ég er smá hneyksluð.....

Ha ha Cesil. Það er ég hreint ekki viss um!

Takk sömuleiðis Skralli ;)

[Jóna Kolbrún Garðarsdóttir, 22.1.2010 kl. 00:52]

  Ég bíð spennt eftir framhaldssögunni um manninn sem þú ætlar að giftast.

[Jóhanna Magnúsdóttir, 23.1.2010 kl. 12:14]

Við höngum að sjálfsögðu allar á línunni - eða öll réttara sagt!

Palli er bara eitt stórt KRÚTT .. 

[Vilma Kristín (IP-tala skráð) 26.1.2010 kl. 23:35]

Auðvitað hlýtur Palli að vera montinn... ég væri það ef ég hefði búið með þér!

[Hrönn Sigurðardóttir, 27.1.2010 kl. 10:34]

Takk Vilma